1 . PEDARAN
RUMPAKA TEMBANG teh kadiri ti 2 kata , nyaeta RUMPAKA sareng TEMBANG .
RUMPAKA teh nyaeta lirik lagu atawa syair , sedengkeun TEMBANG teh nyaeta seni sora lagu anu wirahmana bebas , ka uger ku pola pupuh atawa sa'ir lianna .
rumpaka nyaeta kecap dina lagu , aya sababaraha pasebutan anu ngandung arti sarua . Tapi , dina lagu kawih mah sok di sebut RUMPAKA .teras upami dina tembang mah rumpaka teh di sebut oge dangding .
dina kasenian sunda kawih sareng tembang teu jauh beda
anu di maksud tembang teh nyaeta seni sora nu teu ka iket ku ketukan jeung deui ari tembang mah di tembangkeunna teh guguritan jadi kauger ku aturan aturan pupuh . Tembang oge biasana di pirig ku kacapi jeung suling , tara di pirig ku alat seni lain .
ari anu di maksud kawih mah nyaeta seni sora anu ka iket ku ketukan sareng deui ari kawih mah nu di kawihkeunna teh syair atawa sajak , oge pamirigna teh biasana ku rebab , kendang , gamelan , goong , jeung sajabana .
dina awal nyebarna , kawih loba nimbulkeun tembang tembang anyar . Ku sabab tidinya , tembang teh aya rupa rupa . Diantara na :
1. tembang cianjuran (ti cianjur)
2. tembang ciawian (ti ciawi , tasikmalaya)
3. tembang cigawiran (ti cigawir , limbangan , garut )
4. Tembang beluk atawa macapat lagu (nembangkeun wawacan)
umumna mah tembang teh sok ngagunakeun lagu pupuh anu 17 , najan aya tina papantunan jeung rajah dina carita pantun .
ku sabab beda daerah beda bahasa , jadi tembang anu tadi ka cipta di tiap daerah eta teh ngabogaan ngaran beda perkara kasenian tembang .
contona tembang cianjuran di sebut oge mamaos.
padahal mamaos teh mangrupa sebutan anu lemes tina tembang.
jalma anu sok nembangkeun tembang di sebat sinden .
2.CIRI CIRI TEMBANG
- ka uger ku pola (mangrupa aturan) pupuh
- di pirig ku kacapi jeung suling
- nu di tembangkeunna guguritan (ka uger ku aturan aturan pupuh)
- teu ka ikeut ku ketukan
CONTO TEMBANG
judul : Budak leutik bisa ngapung
budak leutik bisa ngapung
babaku ngapungna peuting
nguriling kakalayangan
neangan nu amis amis
sarupaning bungbuahan
naon bae nu kapanggih
ari beurang ngagarantung
pinuh dina dahan kai
di sarada patembalan
nu kitu naon ngaranna
judul : tanah sunda
tanah sunda wibawa
gemah ripah tur endah
nu ngumbara suka betah
urang sunda sawawa
sing toweksa perceka
nyangga dharma anu nyata
REFF : seuweu padjajaran
muga tong kasmaran
sing tulaten jeung rumaksa
miara pakaya
memang sawajibna
geten titen rumawat
tanah pusaka
TANYA JAWAB
1.tanya : naon ari rumpaka teh?
JAWAB : rumpaka teh nyaeta kekecapan dina seni sora anu ngandung arti lirik lagu atawa syair.
2 .TANYA : naon ari tembang teh?
JAWAB : tembang teh nyaeta seni sora lagu anu wirahmana bebas , ka uger ku pola pupuh atawa sa'ir lianna
3.tanya :ka iket ku ketukan mangrupa ciri?
JAWAB : mangrupakeun ciri kawih.
4.tanya : ku naon biasana tembang di pirig ?
JAWAB : tembang biasana di pirig ku kacapi jeung suling .
5 .tanya : sebutkan 2 ciri tembang?
jawab : ka uger ku pola pupuh jeung di pirig ku kacapi jeung suling
6 .tanya :naon ari dangding teh ?
JAWAB : dangding nyaeta pasebutan kanggo rumpaka dina tembang
7 .tanya : sebutkeun jenis jenis tembang ?
JAWAB : tembang cigawiran , cianjuran , ciawian , jeung tembang beluk
8 .tanya : naon ari mamaos ?
JAWAB : mamaos teh nyaeta sebutan lemes tina tembang.
9 . tanya : pamirig nu biasa di anggo dina kawih?
JAWAB : gamelan , kendang , goong , jeung sajabana
10 . tanya : anu di tembangkeunna guguritan mah di sebut ?
JAWAB : tembang
11 . tanya : di sebut naon upami anu di tembangkeunna sair atawa sajak ?
JAWAB : di sebut kawih
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon